Gikan sa Wikipedia, ang gawasnong ensiklopedya

Ang dolyar (Iningles: dollar) (kodigo sa ISO 4217: USD) (gidaghan:dolyares) mao ang yunit sa kwarta o kurensiya sa Estados Unidos. Giadap usab kini isip opisyal ug legal nga kurensiya sa gobyerno sa ubang kanasoran. Normal nga gimubo kini isip $, o USD o US$ aron malahi sa ubang may dollar usab nga kwarta ug sa ubang migamit sa simbolo nga $. Nabahin-bahin ang dolyar ngadto sa 100 ka sentimo (100 cents).

Gikuha sa Kongreso sa Kompederasyon sa Estados Unidos niadtong Hulyo 6, 1785, ang dolyar sa U.S. mao ang labing gigamit nga kwarta sa internasyonal nga mga transaksyon. Daghang nasod migamit niini isip opisyal nga kwarta, ug daghang uban pa migammit niini sa de facto nga kapasidad. Sa tuig 1995, labaw sa US $380 bilyones ang nasirkular, 2/3 niini nahitabo sa gawas sa Estados Unidos. Pag-abot sa tuig 2005, nadoble ang sirkulasyon niini, mikabat og mga $760 bilyones, ang tinuig nga pagtubo mga 7.6%. Kaso, sa pag-abot sa Disyembre 2006, ang dolyar nalabawan sa euro, sa total nga bili sa kwarta nga nasirkular. Sugod dinhi, ang kasamtangang bili sa euro miabot og labaw pa sa €695 bilyones, egwal sa US$1.029 trilyones sa reyt sa pagbaylo sa kwarta karon.